英國公布T1簽證審批機構名單，即係點？
英國全新嘅Tier 1 Startup 同 Innovator，啱啱生效（3月29日），而就响當日Home Office 終於公布負責審批機構嘅名單。當中主要係唔同範疇嘅創業顧問、種子基金、科研機構同銀行創業基金之類。不過對於T1 Startup，就多咗一堆大專院校。既然謎團已經打開，咁到底意味啲咩呢？
正如之前都已經講過，依家嘅T1嘅概念其實係由以前嘅T1 Graduate演化出黎，變成T1 Startup 同Innovator兩層階段。就係因為Startup就好似當年嘅T1 Graduate 咁，所以啲院校仍然有得審批完全唔意外。但由於T1 Innovator嘅Endorsing Bodies除咗審批之外，亦要定期監察（第6、12同24個月），所以無咗啲院校都係合理。大路嘅基本嘢講完，又係入正題分析下嘅時候。
根據本人腦細做T1G嘅經驗，以依家嘅名單黎睇，T1 Startup嘅審批程序應該唔會同之前有太大差別。反而有啲地方會好咗，申請人無需要一定响審嗰間院校畢業，每間院校又無咗審批限額，亦無咗畢業時限。另外，現在要申請人嘅Business Plan先攞到Endorsement，然後去Home Office入Form申請。咁即係話，如果申請人有條絕世好橋，但係某一個機構唔批，都可以試其它嗰堆，而响Home Office唔會有記錄（衰啲講唔掂試到掂）。
講到呢度，睇完呢個Endorsing Bodies 嘅名單，然後再每間了解下之後，睇黎英國Home Office對啲申請人嘅要求係有橋、有膽、真做。難唔難就無謂問，創業邊度唔難呢？香港創業難唔難？仲要送移民英國機會喎？係咪值得動下腦筋先？
Endorsing Bodies List 傳送門:
Commentaires